Біз сатып алушыларды делдалдардан қорғау үшін еуропалық тәжірибені зерттедік. Сол себепті біз орташа бағаны белгіледік. Бұл 40 мыңнан 150 мың теңгеге дейін болады,- деді Хасенов «За нами уже выехали» Telegramарнасына берген сұхбатында.
Продюсердің айтуынша, билеттер сатылымы бір уақытта төрт елде ашылады. Атап айтқанда, Қазақстан, Ресей, Өзбекстан және Қырғызстан тыңдармандары үшін қолжетімді болмақ.
«Біз квоталарды елдер бойынша бөлеміз. Сонымен қатар турпакеттерге арналған жеке квоталар болады. Ол турпакетке – концертке билет, ұшақ билеті, орналасу (қонақ үй-авт) және кейбір экскурсия түрлері кіреді. Менің ойымша, бір-екі күнде билеттер сатылымы басталады», – деп толықтырды Хасенов.
Дженнифер Лопес концерті қашан өтеді
Айта кетейік, әйгілі поп-жұлдыз Дженнифер Лопес биыл 1 тамызда Астанада концерт береді. Up All Night әлемдік туры аясындағы шоу «Астана Аренада» өтеді. Америкалық жұлдыздың әлемдік турында 17 қала көрсетілген. Ол 1 шілдеде Түркияның Анталья, Ыстанбұл қалаларында басталып, Астана мен Ереванда аяқталады. Бұған қоса, JLo Кадис, Малага, Мадрид, Барселона, Варшава, Будапешт және Бухарест қалаларында концерт өткізеді.