Көлік демалыс аймағы маңынан табылған.
Қылмыс бизнес-қақтығыс салдарынан болуы мүмкін.
Әлеуметтік желідегі ақпаратқа сәйкес, қылмысқа бизнеске қатысты келіспеушілік себеп болуы мүмкін. Болжам бойынша, күдікті алдымен жәбірленушіні балғамен ұрып, кейін қылмыстың ізін жасыру үшін көлікті өртеген.
Полиция күдіктіні ұстады.
"Аталған дерек бойынша қылмыстық іс қозғалды. Жедел іздестіру шаралары барысында 43 жастағы күдікті ұсталып, уақытша ұстау изоляторына қамалды", – деп хабарлады полиция. Қазір тергеу жұмыстары жүргізіліп жатыр.