Рекорд орнатуға қатысқан ең жас тігінші 9 жаста. Бұл – қазақстандық ісмерлердің рекордтар кітабына алғаш рет енуі емес. Бұған дейін V Дүниежүзілік көшпенділер ойындары аясында 450 шеберден құралған топ жалпы ауданы 11 мың шаршы метрден асатын құрақ көрпе тігіп, әлемдік рекорд орнатқан болатын.
КИнЭС-тің ресми өкілі Қуандық Құдайбергенов:
"Қазақстан рекордтар кітабы мұндай бастамаларды қолдайды. 500 тақияны аз уақыт ішінде тігу – оңай шаруа емес. Бұл – тек техникалық тұрғыдан ғана емес, уақыт шектеуі тұрғысынан да қиын. Алайда бұл – коммерциялық емес, таза әлеуметтік жоба."
Іс-шара «Конгресс-орталықта» өтті. Бүгін дәл осы жерде ұлттық стильдегі сән көрсетілімі өтеді. Сондай-ақ қала тұрғындары мен қонақтары зергерлік бұйымдар, этникалық картиналар мен киімдер қойылған көрмені тамашалай алады.