Петропавлдағы қылмыстық істер жөніндегі ауданаралық сотта 29 жастағы Әділхан Сәкеновке қатысты үкім шығарылды деп мәлімдеді halyqstan телеграм каналы. Ол 121-бап «Сексуалдық сипаттағы зорлық әрекеттері» бойынша өмір бойына бас бостандығынан айырылды.
Сот жабық режимде өтті және бұл қылмыстың егжей-тегжейі ресми түрде жария етілмейді. Үкім шығару кезінде де судья жәбірленушінің жасын да, оның кім екенін де айтқан жоқ. Инсайдерлік ақпаратқа сәйкес, Сәкенов сегіз жасар қызын зорлап, видеоға түсірген.
«Сот Сәкенов Әділхан Қайратұлын 121-баптың 4-бөлігінде көзделген қылмыстық құқық бұзушылықты жасағаны үшін кінәлі деп танып, оған өмір бойына бас бостандығынан айыру жазасын тағайындады», - деп оқыды СҚО қылмыстық істер жөніндегі мамандандырылған ауданаралық сотының судьясы Ерлан Нұршарып.
Үкім оқылған кезде сотталушы өзін сабырлы ұстады, ешқандай эмоция білдірмеді. Оның туыстары да сабырлы болды.
Ресми түрде үйленбеген, жоғары білімі бар, «Солтүстік» ӘКК» АҚ бас маманы болып жұмыс істеген.
Зорлаушы әке қызының пайдасына өтемақы төлеуге мәжбүр болады.
«Сәкеновтен Мұсабаеваның пайдасына кәмелетке толмаған Сәкенованың мүддесі үшін 3 миллион теңге мөлшерінде моральдық зиянды өтеу өндірілсін», - деп қосты Ерлан Нұршарып.
Сәкеновтің жазасын өтеу орны ретінде төтенше қауіпсіздік қылмыстық-атқару жүйесінің мекемесі белгіленді. Үкімге 15 күн ішінде апелляциялық шағым түсіруге болады.
Сондай-ақ, Әділхан Сәкеновтің әкесі Солтүстік Қазақстан облысында танымал тұлға екені белгілі болды. Қайрат Пшенбаев төрт рет әртүрлі аудандардың әкімі болған, қазір «Ауыл» ХДП филиалын басқарады.