Мәліметке сүйенсек, жергілікті тұрғын 28 қаңтар күні егіз сәбиді дүниеге әкелген. Бірнеше күннен кейін анасының бөлмесіне 25-30 жастағы бейтаныс әйел келді. Ол медициналық маска киген, бірақ халатсыз. Бейтаныс азамат сәбилердің бірінің денсаулығында ақау бар екенін, оны шұғыл түрде дәрігерге қарау керектігін айтты. Осыдан кейін ол баланы алып, жоғалып кеткен.
Ақпарат бойынша, нәресте сол күні табылып, күдікті қамауға алынды.