Осыған байланысты, Қазақстанда 2025 жылғы 29 қаңтардан бастап бензинді, дизель отынын және кейбір басқа мұнай өнімдерін автокөлік және теміржол көлігімен, соның ішінде ЕАЭО елдеріне шығаруға тыйым енгізіледі.
Бұл шектеулер ҚР Энергетика министрі, ҰҚК төрағасы, Қаржы министрі және ІІМ министрінің бірлескен бұйрығына өзгерістер енгізілгеннен кейін қабылданды.
- Алайда, кейбір ерекшеліктер қарастырылған:
- майлау материалдарын,
- автокөліктердің жанармай бактарында зауыттық көлем шегінде болатын отынды,
- ғылыми зерттеулер мен қоспаларды сынау үшін авиациялық отынды экспорттауға уәкілетті органдардың келісімімен рұқсат беріледі.
Бұл шектеулер 2024 жылғы 29 қыркүйектен 2025 жылғы 29 наурызға дейінгі кезеңде үкімет шешімі бойынша гуманитарлық көмек ретінде жіберілетін мұнай өнімдеріне қолданылмайды.
ҚР Энергетика министрлігі бұл шаралардың ішкі нарықта отын тапшылығын болдырмауға бағытталғанын түсіндірді.
Сондай-ақ, теміржол көлігімен мұнай өнімдерін экспорттауға тыйым салынады. Бірақ бекітілген жеткізу жоспарларына сәйкес жөнелтілетін жүктерге, гуманитарлық көмек ретінде шығарылатын және төтенше жағдайлардың салдарын жоюға арналған өнімдерге 2025 жылғы 1 ақпан мен 29 наурыз аралығында бұл шектеулер қолданылмайды.