Бұған дейін БАҚ-та «Яндекс Go» жұмысындағы ақаудан кейін жолаушылардың балама сервистерге жүгінгені туралы ақпарат тараған. Соның салдарынан inDrive платформасында сұраныс артып, кейбір бағыттардағы жолақы қымбаттаған.
Антимонополиялық органның мәліметінше, inDrive сервисінде сапар құны жолаушы мен жүргізуші арасындағы келіссөз арқылы белгіленеді. Бос көліктер саны азайған кезде жүргізушілер жоғары баға ұсынған.
Жағдайды тұрақтандыру үшін компания жүргізушілерге арналған комиссияны төмендетіп, жолаушы мен жүргізуші арасындағы саудаласу шегін шектеген.
Агенттік жолдаған ескерту ықтимал монополияға қарсы заңбұзушылықтардың алдын алуға, тұтынушылардың құқықтарын қорғауға және нарықтағы адал бәсекелестікті қамтамасыз етуге бағытталған.
Ведомство сапар бағасының негізсіз өсуі тұтынушылардың мүддесіне нұқсан келтіруі мүмкін екенін атап өтті.
