Атырауда полиция қызметкерлері есірткі заттарын сатуды ұйымдастырды деген күдікпен 29 жастағы Ақтау тұрғынын анықтады. Бұл туралы Newsroom.kz тілшісі Polisia.kz сайтына сілтеме жасап хабарлайды.
Ол қаладағы көпқабатты үйлердің бірінде ұсталды. Жалға алған пәтеріне жүргізілген тінту барысында жалпы салмағы 211,84 грамм «Альфа-PVP» есірткі заты салынған 3 zip-пакет пен 40 орама табылып, тәркіленді. Қазіргі уақытта күдікті қамауға алынды.
Қылмыстық іс қозғалып, сотқа дейінгі тергеу амалдары жүргізілуде. Өзге ақпарат тергеу мүддесіне сәйкес жариялауға жатпайды.
