Бұл уағдаластық 2024 жылғы 28 қарашадағы келіссөздер қорытындысында, екі ел арасында қол қойылған "Жаңа жаһандық тәртіп жағдайында стратегиялық әріптестікті тереңдету туралы Қазақстан Республикасы Президенті мен РФ Президентінің бірлескен мәлімдемесінде" 16-шы пункт болып бекітілді. Бұл туралы Newsroom.kz тілшісі InBusiness.kz сайтына сілтеме жасап хабарлайды.
"Тараптар Қазақстан мен Ресей арасындағы энергетикалық ынтымақтастықтың тиімділігін қанағаттанушылықпен атап өтеді, мұны 2024 жылғы 17 сәуірде ҚР Үкіметі мен РФ Үкіметі арасындағы Қазақстан Республикасының аумағында Көкшетау, Семей және Өскемен қалаларында көмір жағатын жылу электр орталықтарын салу жобалары туралы келісімге қол қойылуы растайды", – делінген құжатта.