Әлемдегі ең жылдам гиперкарлардың бірі саналатын Bugatti Chiron SS Қазақстанда сатылымға шықты. Иесі 2022 жылғы Bugatti Chiron SS автокөлігін 1 500 000 000 теңгеге бағалап, уақытша Ақтөбе қаласында тұратынын жазған.
Bugatti Chiron SS – жоғары технологиялық және ерекше жылдамдыққа ие гиперкар. Оның алдыңғы нұсқасы Bugatti Chiron SS 300+ әлемдік максималды жылдамдық рекордын жаңартқан болатын. Жаңа модель де осы дәстүрді жалғастырып, автокөлік әуесқойларының назарын аударуда.
Қозғалтқышының көлемі 8 литр болатын бұл көлік, бар болғаны 250 шақырымды артқа тастапты.
Автокөлік тек осы типтегі машиналарды күтуді білетін немесе бұрын ұқсас көліктермен жұмыс істеген адамға ғана сатылады. Сатушы әлеуетті сатып алушылардан ұсынысты шынайы қызығушылықпен қарауды сұрайды