Бірыңғай жинақтаушы зейнетақы қоры (БЖҚ) бүгін, 2024 жылдың 24 мамырында Қазақстандағы ең жоғары зейнетақы қанша екенін айтты, деп хабарлайды newsroom.kz
Деректер 1 мамырдағы жағдай бойынша алынды
"БЖЗҚ-дан кесте бойынша орташа айлық төлемнің мөлшері (зейнеткерлік жасқа жетуіне байланысты) 33 858 теңгені, ал ай сайынғы төлемнің ең жоғары мөлшері 945 752 теңгені құрады”, – делінген БЖЗҚ хабарламасында.
Қор 2023 жылдың осы кезеңінде БЖЗҚ-дан кесте бойынша орташа айлық төлем сомасы 32 090 теңгені, ал ай сайынғы төлемнің ең жоғары сомасы 742 692 теңгені құрағанын еске салды.
Бұған дейін ҚР Еңбек министрлігі 2024 жылғы 1 мамырдағы жағдай бойынша орташа жиынтық зейнетақы 132 399 теңгені, оның ішінде ынтымақты зейнетақы мөлшері – 89 729 теңге, базалық зейнетақы – 42 670 теңгені құрағанын хабарлаған болатын.