Алматыда "Атакент" павильонында орналасқан Wildberries қоймасы өртене жаздады. Өрт сөндірушілер оқиға орнына дер кезінде жетіпті,-деп хабарлайды Newsroom.kz
1 мамыр 22:12-де Алматыдағы Бостандық ауданы, Тимирязев көшесі, 42 үй, 7А мекенжайында орналасқан “Атакент” павильонында өрт шыққаны туралы хабарлама келіп түскен. Барлау барысында газ-түтіннен қорғау қызметі павильонның екінші қабатында ауданы 60 шаршы метр шарпыған өрт ошағын жедел анықтады. Аумағы 14 мың шаршы метр қойманың іші толған тауар. АД-120 түтін шығаратын өрт сөндіру көлігі іске қосылды. Қабылданған шаралардың арқасында жалын 35 минутта оқшауланып, 22:57-де жойылды. Құрбандар мен зардап шеккендер жоқ. Жедел шақыртуға жеке құрамынан 57 л/с, 18 ТЖД техникасы, қаланың өзара іс-қимыл қызметі жұмылды.