Петропавлдағы Жұмысшылар ауылында бір жанұяның үш адамы өлі табылды, - деп хабарлайды newsroom.kz порталы.
БАҚ-тағы мәлімет бойынша, 28 желтоқсанда үйлердің бірінен үш адамның мәйіті табылған: ер адам, әйел және олардың кәмелетке толмаған ұлы.
Отбасының жерлеу қызметіне қатысты бизнесі болған көрінеді.
Облыстық Полиция департаментінің баспасөз қызметі жантүршігерлік қылмысқа күдіктілер ізін суытпай ұсталғанын хабарлады.
"Полицейлер Петропавлдың екі тұрғынын жедел анықтап, ұстады. Күдіктілер уақытша ұстау изоляторына қамалды. Қазіргі уақытта істің барлық мән-жайларын толық, жан-жақты және объектив зерттеуге бағытталған тергеу әрекеттері жүргізіліп жатыр. Факт ҚР ҚК-ның 99-бабы 2-бөлігі 1-тармағы бойынша соталды тергеп-тексерулердің бірыңғай тізілімінде тіркелді", - деп хабарлады облыстық ПД баспасөз қызметі.