2022 жылдың
қорытындысы бойынша, орталық мемлекеттік органдардың (ОМО) жоспарларының орындалуын жалпы бағалау 100-ден 93,9 балл болды. Бір жыл бұрын бойынша орташа балл 92,9 болған, деп хабарлайды
newsroom.kz.
2022 жылы ОМО дамыту жоспарларында 76 мақсаттың 59 мақсатына қол жеткізілді. Мақсаттарға қол жеткізу үшін бюджеттік бағдарламалармен өзара байланысты 302 нысаналы индикатор анықталды, оның 242-сі толық, 25-і жартылай орындалды, 5-і орындалмады және 30-ы ескерілмеді.
Сондай-ақ, 128 макрокөрсеткіштің 60-на толық қол жеткізілді, тағы 10-ы жартылай орындалды және 58-і есепке алынбады (операциялық бағалауды жасау барысында ҰСБ жедел және түпкілікті мәліметтерінің жоқтығына байланысты).
Мәселен, нысаналы индикаторлардың жалпы саны 430 Оның 302-сі толық орындалды (немесе 70,2%; 2021 жылы да 70,2% болған), 35-і (немесе 8,1%; 2021 жылы 9,4%) ішінара орындалды, 5 (немесе 1,2%; 2021 жылы 1,1%) қол жеткізілмеді, 88 (немесе 20,5%; 2021 жылы 19,3%) есепке алынбады.
Өткен жылдың қорытындысы бойынша Ұлттық экономика министрлігі (ҰЭМ) орталық мемлекеттік органдардың арасында 100 балл жинаған ең тиімді орган атанды. Бір жыл бұрын да ҰЭМ бірінші орында болды, бірақ 98,8 балмен. Одан кейін 99,2 балмен Сыртқы істер министрлігі (СІМ) және 99 балмен Мемлекеттік қызмет істері агенттігі (МҚІА) тұр.
2021 жылмен салыстырғанда МҚІА (бірден 6,6 балл қосқан), Денсаулық сақтау министрлігі (6 балл) және Сыртқы істер министрлігі (5,2 балл) көрсеткішін айтарлықтай жақсартты.
2022 жылы 90-нан аз балл алған үш орган болды. Сауда және интеграция министрлігі (СИМ) ОМО арасында 86,5 балмен ең төменгі орында. Оның алдында 86,7 балмен Цифрлық даму, инновациялар және аэроғарыш өнеркәсібі министрлігі (ЦДИАӨМ) және 87,3 балмен Ғылым және жоғары білім министрлігі (ҒЖБМ).
Қаржы нарығын реттеу және дамыту агенттігі (ҚНРДА) мен Мәдениет және спорт министрлігі (МСМ) 2021 жылмен салыстырғанда өз көрсеткіштерін айтарлықтай нашарлатты: екі мемлекеттік орган да бірден 5,6 балл азайтты.
Еске салайық: биыл 1 қыркүйекте ҚР президенті Қасым-Жомарт Тоқаев Қазақстан халқына дәстүрлі
жолдауының аясында
жарлыққа қол қойып, нәтижесінде төрт министрлік қайта құрылды:
- Экология және табиғи ресурстар министрлігі;
- Индустрия және инфрақұрылымдық даму министрлігі;
- Ақпарат және қоғамдық даму министрлігі;
- Мәдениет және спорт министрлігі.
Нәтижесінде жаңа министрліктер құрылды:
- Су ресурстары және ирригация министрлігі;
- Көлік министрлігі;
- Туризм және спорт министрлігі;
- Мәдениет және ақпарат министрлігі;
- Индустрия және құрылыс министрлігі.
