Нұр-Сұлтан қаласының Тілдерді дамыту және архив ісі басқармасының ұйымдастырумен өткен бұл шара Ел тәуелсіздігінің 30 жылдығына бағытталған. Іс-шараны өткізудегі мақсат: мемлекеттік тілдің қолдану аясын кеңейту және қадір-қасиетін арттыру; қоғаммен байланыс жасайтын мамандық иелеріне кәсіби бағыт-бағдар беру; болашақ журналистерге (студенттерге) тәжірибелі мамандардың кеңесін тегін алуға мүмкіндік жасап, біліктілігін арттыру және теориялық білімді практикамен ұштастыру. Семинар-тренингте «СММ негіздері мен ерекшеліктері», «Интернет ақпараттық соғыс алаңы ретінде» және «Таза баспасөз тілі» тақырыптары талқыланды. Ақпараттық технологияның дамыған сайын оны тұтынатын жандардың да талғамы артатыны сөзсіз. Іс-шараның негізгі өзегі де осы хақында болды. Ескерту: Қатысушылар карантин талаптарына сәйкес офлайн шарада бас қосты. Сондай-ақ іс-шара онлайн форматта, яғни ZOOM платформасында да ұйымдастырылды. Мұндағы мақсат қатысушылар мен медиа-тренерлердің денсаулығына қауіп төндірмей, карантин режимін сақтау. Қатысушылардан вакцина төлқұжатымен, «Ашық» жүйесі арқылы кірген. Айта кетейк, Нұр-Сұлтан қаласы әкімдігі Тілдерді дамыту және архив ісі басқармасының қолдауымен 5 қыркүйектен Қазақстан халқы тілдері күніне орай ХХІІІ қалалық Тіл фестивалі басталған болатын. Және бұл фестиваль 28 қыркүйекке дейін жалғасады. Фестиваль аясында бірнеше іс-шара жоспарланған. Бұған қатысты ақпараттар әкімдіктің ресми сайтында, әлеуметтік желідегі парақшаларында жарияланып тұрады. БАҒДАРЛАМА
| 10:30-11:00 | Қатысушыны тіркеу | |
| 11:00-12:30 | «СММ негіздері мен ерекшеліктері» | медиа-тренер Мерей Ермұқан |
| 12:30-13:30 | Түскі үзіліс | |
| 13:30-15:00 | «Таза баспасөз тілі» | «Ақпарат саласының үздігі», журналист, медиа-тренер Базаркүл Үмбетова |
| 15:00-15:30 | Кофе-брейк | |
| 15:30-17:00 | «Интернет ақпараттық соғыс алаңы ретінде» | ІТ маманы, блогер Аршат Ораз |
| 17:00-17:30 | Қатысушыларға сертификат табыстау |