10 тамыз, дүйсенбі күні Президенттік клиникаға қатты жөтел және үрейлі шабуылдар, ауа жетіспеушілігіне шағымданған пациент жүгінді, деп хабарлайды Newsroom+Ақпарат агенттігі Президенттік клиниканың баспасөз қызметіне сілтеме жасап.
Пациенттің қызының айтуынша, алғашқы белгілер ақпан айында пайда болған. Қабылдаған емдер көмектеспеген, тек симптомдарды уақытша жеңілдеткен. Пациент ауруханада тексеруден өтеді. Дәрігерлер оның КТ-да қандай да бір құрылым өскендігін көреді. Коронавирус эпидемиясы басталып кеткендіктен, инфекцияны жұқтыру қаупі тым жоғары болғандықтан пациент ауруханаға жатудан қорқады. Сонымен олар үйде емделе бастайды, ал әкесінің денсаулығы күнен-күнге нашарлай түседі, тыныс алуы қиындап, ұйықысы нашарлап, қан жөтеле бастайды. Жаңа құрылымды көру және мүмкіндік болса, оны алып тастау үшін бронхоскопиядан өту керек еді, бірақ артериялық гипертензия мен инфарктқа апаратын жағдайдың дамуына байланысты бронхоскопия жасауға болмайтын болды. Сонымен қатар, кейбір дәрігерлер тіпті "сіз бұны ойлап тапқансыз" және "мұндайды ешкім істемейді", деп айтқан екен.
Туыстары жақын адамына көмектесеміз деген үмітпен шетелдік клиникаларды іздей бастайды. Жауап Германиядан келеді, онда бізді операцияға шақырды. Алайда, онда да жаңа мәселе пайда болды: ол елге келгеннен кейін біз 2 апта оқшауланып, күтуіміз керек екен. Әкемнің жағдайы нашарлай түскендіктен, біз Президенттік клиниканың пульмонологы Роза Агубаевна Бакеноваға жүгіндік. Роза Агубаевна енді аялдамауға кеңес берді: "уақыт өткізіп алуға болмайды, сіз мүмкіндігінше тезірек операция жасауыңыз керек", – деді ол. Содан кейін біз қосымша тексеруге, атап айтқанда бронхоскопияны жүргізу және Германияға сапарға шығу үшін әкеміздің жағдайын тұрақтандыру үшін ауруханаға жатқыздық, - деп еске алады пациенттің қызы.
"Бронхоскопияны жүргізер алдында пациенттің қызы менен жаңа құрылымды бір сәтте алып тастау мүмкіндігі туралы сұрады", – дейді Президенттік клиниканың дәрігер-эндоскописті Жеңісбек Тынкозиев. "Әдетте, мұндай жағдайларда алдымен биопсия алынады және тіндерді гистологиялық зерттеуден кейін емдеу тактикасы анықталады. Бірақ пациенттің жағдайы нашарлап, яғни оның тыныс алуы қиындай түсті. Сондай-ақ, КТ анализ жасау кезінде бұл құрылымның клапан тәрізді екендігі: жылжымалы және өкпені толығымен жауып тастағандығы байқалды. Дәрігерлер консилиум өткізіп, туыстарымен сөйлескеннен кейін, бронхоскопия кезінде біз жағдайды бағалап, оны алып тастау немесе алып тастамау туралы шешім қабылдаймыз деген шешім қабылданды. Операция кезінде біз құрылымды ешқандай асқынусыз алып тастауға болатындығын көрдік. Операция тек 7 минутқа созылды»,
операцияға дейінгі сурет
операциядан кейінгі сурет
Пациент операциядан кейін өзін жақсы сезінді. Дәрігердің айтуынша, мұндай жағдайларда пациенттер өздерін қайтадан туылғандай сезінеді. Келесі күні таңертең қызы әкесіне қоңырау шалған кезде, оның бірінші айтқан сөзі: "мен осы 5 айдан бері бірінші рет былай да бұрылып, былайда аунап жатып ұйықтадым-ау»-деді.
"Мен үшін пациенттердің қажетті ем алу үшін шетелге барудың қажеті жоқ екенін, оларға керектінің бәрі Қазақстанда бар екендігі және біздің азаматтар үшін қолжетімді екендігін білуі өте маңызды. Біз инвазивті емес немесе аз инвазивті әдістерді қолдана отырып, осындай аурулары бар пациенттерге көмектесе аламыз, өйткені медицина бүгінде топтық жұмыс болып табылады. Емдеуді бастамас бұрын дәрігерлердің консилиумы міндетті түрде жүргізіледі және емдеу тактикасы анықталады, соның арқасында асқыну қаупі айтарлықтай төмендейді", – дейді Жеңісбек Тынкозиев.Операциядан кейін бір ай өткен соң, пациент өзін керемет сезінеді және одан әрі ем қабылдап жатыр.