Денсаулық сақтау министрлігі қазақстандықтарды әлеуметтік желілердегі таралып жатқан балалардың жаппай ауруға шалдығып жатқандығы туралы жалған ақпарат туралы түсініктеме берді, деп хабарлайды
Newsroom+ақпарат агенттігі.
Хабарламада судың улануы, вирусолог дәрігерлерді арнайы қонақ үйлерге қоныстандыру, балаларды емдеу және ауруханаларға жаппай қабылдау және реанимация туралы арнайы хаттама дайындалып қойғанын айтып кеткен.
"Азаматтарды осындай арандатуларға бармауға және мемлекеттік органдар жариялаған ақпаратқа ғана сенуге шақырамыз. Денсаулық сақтау министрлігі барлық қабылданған шешімдер, оның ішінде бас санитарлық дәрігердің жаңа қаулылары және коронавирустық инфекциямен ауыратын науқастарды емдеу хаттамаларындағы өзгерістер туралы азаматтарды барынша жедел хабардар етеді", - делінген ведомство хабарламасында.
