«Иранның әуе кеңістігі шамамен 29 наурыз, жексенбі күні дүниежүзілік уақыт бойынша 08:30-ға дейін (Баку уақытымен 12:30 – ред.) жабық болады», – деді агенттікке сұхбат берген дереккөз.
Оның айтуынша, бұл тыйымнан мемлекеттік, әскери және санитарлық авиация рейстері, сондай-ақ іздестіру-құтқару мақсатындағы ұшулар ғана тыс болуы мүмкін. Мұндай рейстер тек азаматтық авиацияны басқару органдарының арнайы рұқсатымен жүзеге асырылады.
Бұған дейін ұшуларға қойылған тыйым бүгін таңға дейін күшінде болған. «Енді ол кем дегенде тағы бір аптаға ұзартылды», – деп атап өтті дереккөз.
Иранның әуе кеңістігі 28 ақпан күні күннің бірінші жартысында жабылған болатын. Бұл АҚШ пен Израиль Иранға қарсы әскери операция бастағаннан кейін орын алды. Шабуылдар кезінде Тегеранды қоса алғанда, Иранның ірі қалалары соққыға ұшырады.
