Павлодарда қалалық ІІБ Солтүстік полиция басқармасы бастығының орынбасары әріптесін соққыға жыққанын хабарлайды newsroom.kz порталы informburo.kz сілтеме жасап. Қазіргі уақытта тергеу жүріп жатыр.
Павлодар облыстық полиция басқармасының бастығы Василий Скляр мәлімдеуінше:
«13 қазанда Павлодар қалалық ІІБ Солтүстік полиция бөлімінің тергеушісінен сол бөлім бастығының орынбасарына шара қолдану туралы арыз түсті. Менің тапсырмаммен полиция бөлімшесі аталған факті бойынша қызметтік тексеруді бастады. Оқиғаның мән-жайы мен себептері тергеу барысында анықталады.Қызметтік тексеру қорытындысы бойынша полиция қызметкерінің әрекетіне құқықтық баға беріледі».