АҚШ-та өлім жазасына кесілген Криста Пайк ауруханадан шығарылып, қайтадан түрмеге қайтарылды. Бұл туралы оның адвокаттары мәлімдеді.
50 жастағы әйел адам қазір 30 жыл бойы жазасын өтеп жатқан түрмесінде қалып, қажетті медициналық көмекті алып жатыр.
30 қыркүйекте Пайкқа өлімге әкелетін пентобарбиталдың екі дозасы енгізілгенімен, үкімді орындау мүмкін болмады. Осыдан кейін ол ауыр халде ауруханаға жеткізілген. Журналистердің хабарлауынша, препарат салынғаннан кейін 40 минуттан астам уақыт өткенде оның қорылдағаны естілген.
Кейін Криста Пайк есін жиып, сөйлей бастаған. Бұл жағдай дәрігерлерді, медициналық қызметкерлерді және оның адвокаттарын таңғалдырған. Қорғаушылардың айтуынша, оның алғашқы сөздері: «Мен қайдамын?» және «Сіздер кімсіздер?» болған.
Адвокаттар таратқан мәлімдемеде Пайктің төтенше жағдайдағы көмек көрсеткен жедел жәрдем қызметкерлері мен медициналық топқа ризашылық білдіргені айтылған.
Бұл оқиғаны бес бұрын-соңды болмаған жағдай деп атап отыр: Пайк өлімге әкелетін инъекция арқылы орындалған өлім жазасынан аман қалған жалғыз адам болуы мүмкін. 7 қазанда Теннесси штаты бас прокурорының көмекшісі Уилл Эйерс судьяға штаттың Пайкқа қатысты жаңа өлім жазасы күнін белгілей ме, жоқ па, әзірге белгісіз екенін айтты.
