Алматының Алмалы ауданында ірі өрт сөндірілді. Брусиловский көшесіндегі екі қабатты ғимараттан шыққан жалын көрші нысандарға тарау қаупін тудырған.
Қалалық төтенше жағдайлар департаментінің мәліметінше, өртті ауыздықтауға бірден су оқпандары беріліп, оқиға орнына күшейтілген құраммен күштер мен құралдар жіберілген. Сонымен бірге өрт сөндіру штабы құрылды.
09:37-де өрт локализацияланды. Құтқарушылар оттың толық жойылуы үшін жұмысын жалғастырды, зардап шеккендер туралы ақпарат түскен жоқ.
10:25-те Төтенше жағдайлар министрлігінің ресми Telegram-арнасы өрттің толық сөндірілгенін хабарлады.
«Құтқарушылардың жедел әрекеттерінің арқасында оттың көрші нысандарға таралуына жол берілмеді. Зардап шеккендер жоқ»
Куәгерлер өрт шыққан жерден түсірілген видеоны редакцияға жіберген.
