Премьер-министр Олжас Бектеновтің айтуынша, бір өңірден басқа барлық облыс жылыту маусымына дайындық жұмыстарын белгіленген мерзімде аяқтаған.
Ал Семей қаласында жылу желілерін дайындау жұмыстары уақытылы аяқталмаған. Осыған байланысты Абай облысы әкімінің жылу-энергетика саласына жетекшілік ететін орынбасарын тәртіптік жауапкершілікке тарту жоспарланып отыр.
Премьер-министр өңірлердегі жылумен қамту нысандарының тұрақты жұмысын қамтамасыз етуді және жылыту маусымының өту барысын бақылауда ұстауды тапсырды.
Айта кетейік, жылыту маусымына дайындық кезінде негізгі назар жылу желілері мен қазандықтардың техникалық жағдайына, сондай-ақ әлеуметтік нысандар мен тұрғын үйлерді жылумен қамтамасыз етуге аударылады.
