Абай облысы полиция департаментінің мәліметінше, ер адам интернеттен алынған пәтер суреттерін пайдаланып, жалған хабарландырулар жариялаған. Ол тұрғын үйді тәулікке жалға беруді ұсынып, азаматтардан алдын ала төлем талап еткен.
Ақшаны алғаннан кейін күдікті жалға алушыларды бұғаттап, байланысқа шықпай қойған. Қаражатты қабылдау және қолма-қол ақшаға айналдыру үшін өзге адамдардың банк шоттарын пайдаланған.
Тергеу нәтижесінде алаяқтықтың 16 эпизоды анықталды. Сот ер адамға бас бостандығын шектеу жазасын тағайындады.
