Мәліметке сәйкес, ер адам 28 қыркүйекте «Шымбұлақ» аспалы жолы арқылы тауға көтерілген. Кейін маршрутты өз бетінше жалғастырып, қалаға жалғыз түсетінін айтқан. Алайда ол қонақүйге оралмаған.
29 қыркүйекте оның жоғалғаны туралы хабарлама «112» пультіне түскен.
Іздеу-құтқару жұмыстарына 50-ге жуық адам, 8 техника, 7 дрон, 3 кинологиялық есептоп және «Қазавиаспас» тікұшағы жұмылдырылған.
Қазіргі уақытта құтқарушылар Сол Талғар, Богданович мұздығы және оған іргелес шатқалдарды тексеріп жатыр. Сонымен қатар бейнебақылау камераларының жазбалары қаралып, осы аумақта болған туристерден сұрау жүргізілуде.
Іздестіру-құтқару жұмыстары тәулік бойы жалғасып жатыр.
