Қайғылы оқиға 24 қыркүйекте Маңғыстау облысында Әскери-теңіз күштерінің оқу-жаттығуы кезінде болған. Ауа райының күрт нашарлап, желдің күшеюіне байланысты әскери қызметшілер теңізге кеткен.
Ресми мәлімет бойынша, оқиға кезінде 9 әскери қызметші қаза тапқан, үшеуі құтқарылған. Құтқарылғандардың біреуі ауруханаға жатқызылған. Қалған әскери қызметшілерді іздеу жұмыстары жалғасып жатыр.
Аза тұту күніне байланысты мемлекеттік мекемелердегі тулар төмен түсірілді. Сондай-ақ ел аумағында ойын-сауық және бұқаралық іс-шаралар өткізілмейді.
Әскери қызметшілердің қаза болу себептері мен оқиғаның мән-жайын арнайы комиссия анықтап жатыр.
