Кездесу 27 қыркүйекте өтетін 15-ші Almaty Marathon қарсаңында ұйымдастырылады. Биылғы жарысқа 60-тан астам елден 16 мың қатысушы қатысады. Марафонның негізгі қашықтығы — 42,2 шақырым. Сонымен қатар қатысушылар 21,1 км және 10 км қашықтықтарға, скандинавиялық жүріс пен «Экиден» эстафетасына қатыса алады.
Юки Каваучи Қазақстан мен Орталық Азияға алғаш рет келіп отыр. Спортшы 27 қыркүйекте өтетін Almaty Marathon аясында толық марафон қашықтығын бағындырады. Бұл оның Орталық Азиядағы алғашқы жарысы болмақ.
Каваучи 2018 жылы Бостон марафонында жеңіске жетіп, халықаралық деңгейде танымал болды. Ол мансабының бір бөлігінде халықаралық жарыстарға қатысумен қатар мемлекеттік қызметте жұмыс істеген. Осы ерекшелігіне байланысты Жапонияда оны «азаматтық жүгіруші» деп атаған.
Баспасөз конференциясы барысында спортшы өзінің кәсіби жолы, Қазақстанға алғашқы сапары және Алматыдағы жарыстан күтетін нәтижелері туралы айтып, журналистердің сұрақтарына жауап береді.
Баспасөз конференциясы:
• Күні: 24 қыркүйек 2026 жыл
• Уақыты: 11:00
• Өтетін орны: InterContinental Almaty қонақүйі
• Аккредиттеу: +7 707 401 43 79, Василина Атоянц
Айта кетейік, 2026 жылғы Almaty Marathon 27 қыркүйекте Абай алаңынан басталады. Жарыс жолдары World Athletics талаптарына сәйкес сертификатталған.
