Ол 77 келіге дейінгі салмақта өнер көрсетті. Финалда қазақстандық спортшы Бахрейн өкілі Мұхаммед Нәбиевпен кездесіп, 3:0 есебімен жеңіске жетті. Осылайша Еркінғали Бүркіталин Азия ойындарының чемпионы атанды.
Айта кетейік, ММА биылғы Азия ойындарының бағдарламасына алғаш рет енгізілді. Бүркіталин бұған дейін жарыстың ширек финалында Оңтүстік Корея өкілі Юн Тэёнды, ал жартылай финалда Филиппин спортшысы Карлос Альваресті жеңіп, финалға жолдама алған еді.
Еске салайық, Азия ойындарының алғашқы жарыс күнінің қорытындысы бойынша Қазақстан құрамасының қоржынында төрт алтын және екі қола медаль болған. Бүркіталиннің жеңісінен кейін ел қоржынындағы алтын медаль саны беске жетті.
