Колумбияда 10 тамызда болған магнитудасы 7,4 жер сілкінісінен қаза тапқандар саны 321 адамға жетті. Тағы 4 595 адам жарақат алды, 257 адам із-түзсіз жоғалғандар қатарында қалды.
Колумбияның Табиғи апаттар қаупін басқару жөніндегі ұлттық басқармасының мәліметіне қарағанда, 364 адам құтқарылған. Табиғи апаттың салдары 476 муниципалитетті қамтып, 15 департаменттегі 284 185 адам мен 1 236 жануарға әсер етті.
Жер сілкінісі бірқатар нысанға да үлкен зиян келтірді. 467 ғимарат қирады, 163 884 тұрғын үй зақымданды, тағы 31 445 үй толық бұзылды.
Сондай-ақ 4 611 қоғамдық орталық, 3 579 оқу орны, 351 медициналық орталық, 435 жол және 111 акведук бүлінді. Бұған қоса, 69 автожол және 14 жаяу жүргінші көпіріне, сондай-ақ бес әуежайға зақым келген.
