14 тамыз күні сағат 14:38 шамасында электр желілерінің бірінде апаттық жағдай тіркелді. Ақау салдарынан энергожүйеге түсетін жүктемені тұрақтандыру үшін қорғаныс автоматикасы іске қосылып, тұтынушылардың бір бөлігі электр желісінен уақытша ажыратылды.
Электр энергиясы Алматы облысының бірнеше ауданында, сондай-ақ Алматы қаласының Бостандық, Наурызбай, Әуезов және Алатау аудандарында өшті. Қазіргі уақытта мамандар апаттың салдарын жою және электрмен жабдықтауды кезең-кезеңімен қалпына келтіру жұмыстарын жүргізіп жатыр.
Электр желісіндегі ақаудың нақты себептері анықталып, жағдай тұрақтандырылуда.
