Іс-шара Қазақстан Республикасының жаңа Конституциясының күшіне енуіне орай өткізіліп, заң үстемдігін, азаматтық жауапкершілікті және қоғам игілігіне қызмет ету қағидаттарын дәріптеуге бағытталды.
Форумға 400-ден астам мемлекеттік қызметші қатысып, жаңа Конституцияның негізгі құндылықтарын қолдайтындықтарын білдірді. Бағдарлама аясында Абай Құнанбайұлының адамгершілік пен адалдықты насихаттайтын өлеңдері оқылып, қатысушыларға арналған жаппай өндірістік гимнастика ұйымдастырылды.
Ұйымдастырушылардың айтуынша, мұндай бастамалар мемлекеттік қызметшілер арасында құқықтық мәдениетті нығайтуға, салауатты өмір салтын қалыптастыруға және командалық бірлікті арттыруға ықпал етеді.
Форум соңында қатысушылар заңға құрмет, жауапкершілік және адалдық қағидаттарын күнделікті қызметте ұстанудың маңызын атап өтті.
