Ведомство өкілі Хафиз Мұхаммед Юсуф Хаммадтың айтуынша, соңғы 48 сағат ішінде табиғи апат Кабул, Забул, Қандағар, Саманган, Тахар, Нангархар, Лағман және Кунар провинцияларына әсер еткен.
Адам шығынынан бөлек, табиғи апат айтарлықтай материалдық залал келтірді. Билік мәліметінше, 30 тұрғын үй толық немесе жартылай қираған, 60 шақырымнан астам ауылішілік жолды су шайып кеткен, сондай-ақ 225 акр ауыл шаруашылығы жері су астында қалған.
Ресми статистикаға сәйкес, наурыз айының соңынан бері Ауғанстанда нөсер жауын, кенеттен болған су тасқыны және қатты дауылдар салдарынан 314-тен астам адам қаза тауып, тағы 400-ге жуық адам жарақат алған.
