Жекелеген қаржы институттары тұрғысынан жағдай айтарлықтай ерекшеленеді. Мәселен, ҚР-дағы 23 ЕДБ-нің 13-інде оң серпін байқалса, 9 банкте төмендеу тіркелді, ал бір банкте жеке тұлғалардың салымдары мүлдем жоқ.
Айлық динамика бойынша депозиттердің ең көп өсімін Kaspi Bank көрсетті: салым 162 млрд теңгеге немесе 2,3%-ға артты. 2026 жылғы мамырдың басындағы жағдай бойынша банктегі халықтың салымдарының сомасы 7,1 трлн теңгеге жетті. Бұл бүкіл нарықтың бір ширегіне жуығын құрайды және ҚР ЕДБ арасындағы ең үздік көрсеткіштердің бірі.
Айлық өсім бойынша екінші орынға Банк ЦентрКредит жайғасты: салым 100 млрд теңгеге немесе 3%-ға артып, салымдардың жалпы көлемі 3,5 трлн теңгені құрады.
Үздік үштікті Halyk Bank тұйықтап тұр: салым 51 млрд теңгеге немесе 0,7%-ға өсті.
Екінші орынды Отбасы банк иеленді: плюс 724,7 млрд теңге немесе плюс 28,2%.
Үздік үштікті Halyk Bank тұйықтайды: плюс 663,9 млрд теңге немесе плюс 9,4%.
Неліктен халықтың салымы өсіп жатыр?
Жекелеген банктерде ғана емес, жалпы нарық бойынша жеке тұлғалардың депозиттерінің өсуі байқалады. Сарапшылар қазақстандықтардың жинақ көлемінің артуына ықпал ететін бірнеше факторды атап көрсетеді.
Біріншіден, халықтың банк жүйесіне деген сенімінің артуы маңызды рөл атқарады. Банктер ақша қаражатын сақтаудың ең сенімді әрі түсінікті құралдарының бірі болып қалады.
Екіншіден, депозиттердің тартымды кірістілігі де маңызды фактор болып табылады. Жоғары мөлшерлемелер сақталып отырған жағдайда, көптеген салымшылар банктік салымдарды жинақтарын сақтап қана қоймай, көбейту мүмкіндігі ретінде қарастырады.
Үшіншіден, қаржы секторын цифрландыру айтарлықтай ықпал етуде. Бүгінгі таңда банк бөлімшесіне бармай-ақ, мобильді қосымша арқылы бірнеше минут ішінде депозит ашып, оны толықтыруға және өз қаражатын басқаруға болады.
