Ал 2025 жылдың қорытындысы бойынша елде 115,9 мың неке қиылып, 45 мыңнан астам ажырасу тіркелген. Сарапшылардың айтуынша, бүгінде Қазақстандағы әрбір екінші неке ажырасумен аяқталып жатыр.
Неке саны бойынша көш басында:
• Астана – 1000 адамға шаққанда 6,75 неке;
• Қарағанды облысы – 6,32;
• Шығыс Қазақстан облысы – 6,27.
Ең төмен көрсеткіш Қызылорда облысы өңірінде тіркелген – 5,06.
Статистикаға сәйкес, некенің басым бөлігі қалаларда қиылған. 2025 жылы тіркелген некелердің 68,1%-ы қалалық жерлерге тиесілі болса, ауылдық аймақтарда бұл көрсеткіш 31,9%-ды құрады.
Мамандар ажырасудың көбеюіне бірнеше фактор әсер етіп отырғанын айтады. Олардың қатарында әлеуметтік-экономикалық қиындықтар, баспана мәселесі, жұмыссыздық және отбасылық құндылықтардың өзгеруі бар. Сонымен қатар жастардың кеш үйленуі де негізгі себептердің бірі ретінде аталады.
