Бұл күні адамдар оттың үстінен секіріп, мерекені тойлайды. Бұған дейін Ислам Республикасының билігі отшашу ұйымдастыруға тыйым салған еді.
Ирандықтар Израиль мен АҚШ тарапынан жасалған соққыларға және биліктің отшашу атуға қойған тыйымына қарамастан, жыл сайынғы От мерекесін атап өтті.
Чахаршанбе-Сури – иран халқының көне мейрамдарының бірі. Ол Наурыз мейрамының алдындағы соңғы сәрсенбіде аталып өтеді және көктемнің келуі мен табиғаттың жаңаруын білдіреді. Дәстүр бойынша адамдар көшеге шығып, алау жағып, оның үстінен секіреді.
