Оқиға Батыс Қазақстан облысы аумағындағы Теректі ауданына қарасты Ақжайық ауылында болған.
Жеке үйлердің бірінде еденнің астынан жыландар шыға бастаған. Өңірлік Батыс Қазақстан облыстық Төтенше жағдайлар департаментінің мәліметінше, құтқарушылар келгенге дейін үй иесі өздігінен 16 жыланды ұстап алған.
Бұл үйде алты адам тұрады, олардың төртеуі – балалар. Мамандар еденді ашып, астында тағы жыландар бар-жоғын тексеруді ұсынған. Алайда үй иесі оған рұқсат бермеген. Жергілікті әкімдік отбасыға уақытша басқа баспана берген. Ал ұсталған жыландардың нақты қандай түрге жататыны әзірге анықталмаған.
