Мемлекет басшысы Қасым-Жомарт Тоқаев **Мұхаммед бен Заид Әл Нахаян**мен телефон арқылы сөйлесті.
Әңгіме барысында Қазақстан Президенті өңірдегі шиеленіске алаңдаушылық білдіріп, Біріккен Араб Әмірліктерінің басшылығына және халқына құрметі мен қолдауын жеткізді.
Тоқаев әскери шабуыл салдарынан азаматтық инфрақұрылымның зардап шеккенін өкінішпен атап өтті.
– Қазақстан Біріккен Араб Әмірліктерін достас әрі бауырлас мемлекет ретінде қарайды және қажет болған жағдайда қолдан келген көмегін көрсетуге дайын, – деді Президент.
Өз кезегінде Әмірлік басшысы Қазақстанның қолдауына ризашылығын білдіріп, қазіргі халықаралық дағдарысты еңсеру жолында ынтымақтастықтың маңызын атап өтті.
Тараптар қазақ-әмірлік стратегиялық серіктестігін нығайтуға бейілді екенін растады және қасиетті Рамазан айында екі ел халқына бейбітшілік пен береке тіледі.
