Алматы облысы Қарасай аудандық сотында Нұрбол Назарбаев қатысқан екі бірдей іс қаралып жатыр. Ол — Болат Назарбаевтың ұлы және Қазақстанның тұңғыш президенті Нұрсұлтан Назарбаевтің жиені.
Бірінші іс оның төлем қабілетін қалпына келтіру рәсімін қолдану туралы өтінішіне байланысты. Бұл рәсім банкрот мәртебесін бермей, қарызды 5 жылға дейін бөліп төлеуге мүмкіндік береді. Сот 17 ақпанда істі өндіріске қабылдады. Салдары ретінде кредиторлардың талаптары уақытша тоқтатылады, жаңа міндеттемелер алуға тыйым салынады, шетелге шығу шектеледі және мүлікке қатысты бұрынғы шешімдердің орындалуы тоқтатылады. Дайындық отырысы 2026 жылғы 3 наурызға белгіленді. Іске үшінші тарап ретінде Алматы облысы Мемлекеттік кірістер департаменті тартылған.
Екінші іс жеке тұлғаның негізсіз баю сомасын өндіру туралы талабына қатысты. Бұл іс бойынша тыңдау қаңтарда басталған, келесі сот отырысы 27 ақпанға жоспарланған. Талап сомасы жария етілмеді.
