Астана қаласында ер адам лифтіде мектеп оқушысының дәл артына тым жақын тұрған. Соның салдарынан қыздың иығынан мектеп сөмкесі түсіп кеткен. Қыз қарсылық білдірген сәтте ер адам лифтіден шығып, оқиға орнынан кетіп қалған.
Оқиға туралы қыздың жақындары біліп, бірден полицияға жүгінген. Іс сотқа жолданды.
Сот материалдарын зерттей келе, ер адамның әдейі осылай тұрғаны анықталған. Сот өкілдерінің мәліметінше, ол кәмелетке толмаған қыздың жеке кеңістігін бұзып, тыныштығын бұзған.
Айыпталушы өз әрекетін түсіндіре алмаған әрі кінәсін мойындаудан бас тартқан. Соған қарамастан, сот оны ӘҚБтК-нің 434-бабы 1-бөлігі бойынша кінәлі деп танып, 15 тәулікке әкімшілік қамауға алды.
Істе ауырлататын жағдай ретінде жәбірленушінің кәмелетке толмағаны ескерілді.
