Тоқаев жауап хатында Кеңес жұмысына қатысуға мүдделі екенін білдірген.
Саясаттанушы Ғазиз Әбішевтің пікірінше, бұл шақырту — екі лидер арасында қалыптасқан жеке сенімге негізделген қарым-қатынастың нәтижесі.
«Трамптың өзі Қазақстан президентін G20 саммитіне шақырып, кейін Таяу Шығыс мәселесіне тартуы — өте нәзік дипломатиялық жұмыстың жемісі», — дейді сарапшы.
Әбішевтің айтуынша, Тоқаев Трампқа Қазақстанның негізгі ұстанымын — прагматизм, бейтараптық және нақты іске дайын болу қағидатын артық даңғазаға салмай жеткізе алған.
«Трампқа дәл осындай стиль ұнайды: аз сөз, көп іс», — дейді ол.
Саясаттанушы Қазақстанның халықаралық аренадағы белсенді ұстанымын да атап өтті. Еске салайық, 2025 жылдың желтоқсанында Тоқаев Палестина президенті Махмуд Аббаспен, ал 2026 жылдың қаңтарындаИзраиль премьер-министрі Биньямин Нетаньяхумен телефон арқылы сөйлескен.
Әбішевтің сөзінше, бұл бастама Ресейге де, Қытайға да қарсы бағытталмаған.
«Бұл — ұзаққа созылған соғысты бақылап аяқтауға бағытталған жоба. Ешкімге міндет жүктемейді, ешбір елмен қатынасты бұзбайды», — деп түйіндеді ол.
