Статистикаға сүйенсек, 2025 жылы ұл балалар арасында Мұхаммед, Алихан, Айсұлтан, Омар және Алдияр есімдері ең танымал болды. Бұл тізім 2024 жылмен салыстырғанда айтарлықтай өзгермеген. Аймақтар бойынша алғанда, Мұхаммед пен Алан есімдері көш бастап тұр.
Ал қыз балаларға көбіне Айлин, Асылым, Медина, Айша және Томирис есімдері берілген. Аймақтық көрсеткіштерге назар аударсақ, Айлин есімі ерекше танымал: елдегі 20 өңірдің 16-сында дәл осы есім бірінші орынға шыққан. Қыздар арасындағы үздік бестік те былтырғы көрсеткіштермен сәйкес келеді.
Сондай-ақ этностық ерекшеліктер де назардан тыс қалмаған. 2025 жылы орыс ұлты өкілдері арасында Ева мен Мирон есімдері жиі таңдалса, өзбек ұлтының арасында Мухаммад пен Хадича есімдері ең танымал болған.
