Оқиға орнына құтқарушылар мен қалалық орта сапасы және бақылау басқармасының мамандары жетті. Алдын ала мәліметтер бойынша, оқиғаның себебі түтін жолының қауіпсіздік талаптарына сәйкес келмеуі болған.
Барлық зардап шеккендер медициналық бақылауда, олардың жағдайы қанағаттанарлық деп бағалануда.
«Оқиғаға байланысты Шымкент қаласының ТЖД тұрғындарға ескерту жасап отыр. Қала тұрғындарынан газ жабдықтарын уақытылы тексеріп, түтін жолдарының дұрыс орнатылуы мен дұрыс жұмыс істеп тұрғанына көз жеткізу, сондай-ақ газ құралдарын техникалық қызмет көрсету келісімшарттарына қол қоюды сұраймыз», - деп хабарлады ведомство.
Құтқарушылар көмірқышқыл газында иіс болмайтынын және ол өмір мен денсаулық үшін үлкен қауіп тудыратынын ерекше атап өтті.
