«Денсаулыққа қасақана ауыр зиян келтіріп, жәбірленушінің өліміне әкеп соққан дерек бойынша сотқа дейінгі тергеп-тексеру басталды. Полиция қызметкерлері екі күдіктіні ұстап, уақытша ұстау изоляторына қамады. Анықталғандай, түнгі ойын-сауық орындарының бірінің маңында жас азаматтар арасында ауызша жанжал туындап, ол төбелеске ұласқан. Соның салдарынан 18 жастағы азамат алған жарақаттарынан көз жұмды», – деп мәлімдеді Астана қалалық полиция департаментінде.
Қазіргі уақытта оқиғаның барлық мән-жайын анықтау мақсатында тергеу жүргізіліп жатыр.
Сонымен қатар полиция департаменті азаматтарға үндеу жасап, түнгі ойын-сауық орындарына барған кезде қоғамдық тәртіпті сақтауға және жанжалдан аулақ болуға шақырды.
«Кез келген заңсыз әрекет үшін қолданыстағы заңнамаға сәйкес жауапкершілік көзделген», – деп қосты ведомствода.
