Прокуратура мәліметіне сүйенсек, Доспановқа қызметтік өкілетін асыра пайдаланды деген айып бойынша қылмыстық іс қозғалған.
«Қостанай облысы бойынша ҰҚК департаменті облыстық денсаулық сақтау басқармасы басшысының орынбасары Е. Доспановтың ұсталғанын хабарлады. Ол қызметтік өкілетін теріс пайдалану дерегі бойынша тергеліп жатыр», – делінген ведомствоның хабарламасында.
Қосымша ақпараттар Қылмыстық-процестік кодекстің 201-бабы талаптарына сәйкес әзірге жарияланбайды.
Айта кетейік, бұған дейін өңірде денсаулық сақтау басқармасының экс-басшысы Данияр Жандаев та ұсталған еді. Ол медициналық жабдықтарды сатып алу кезінде қызметтік өкілетін асыра пайдаланды деген күдікке ілінген. Жандаевпен бірге аудандық аурухананың бас дәрігері және жеке компания директоры да 25 тамыз күні Антикор мен ҰҚК тарапынан қолға түскен.
