Ақтөбе қаласында 5 желтоқсан күні сағат 22:00 шамасында Әлия Молдағұлова мен Тургенев көшелерінің қиылысындағы көпірде ауыр жол-көлік оқиғасы тіркелді. Оқиғаға Lexus, Subaru және Chevrolet Cobalt маркалы автокөліктері қатысқан.
Алдын ала деректер бойынша, қозғалыс кезінде Lexus көлігі Subaru-мен соқтығысқан. Қатты соққыдан кейін Subaru көлігі жанындағы жолаққа шығып кетіп, сол бағытта келе жатқан Chevrolet Cobalt автокөлігіне қайта соғылған.
Апат салдарынан Subaru жүргізушісі мен жолаушысы ауыр жарақат алып, оқиға орнында көз жұмды. Тағы үш адам түрлі дәрежедегі жарақаттарымен қалалық ауруханаға жеткізілген.
Полиция департаменті қазір жол апатына қатысты барлық мән-жайды анықтап, оның себептерін тексеріп жатыр.
