Түркияның ауыл шаруашылығы министрі Ибрагим Юмаклы апат орнын Сеня қаласының маңынан тапқанын растады және марқұм ұшқыштың отбасына көңіл айтты.
Алдын ала мәліметке сүйенсек, AT802 үлгісіндегі екі ұшақ техникалық қызмет көрсету үшін Загребке бет алған. Ауа райының қолайсыздығына байланысты олар Риекаға қонуға мәжбүр болған. Кейін қайта ұшқан кезде бір ұшақ межелі жерге аман жеткен, ал екіншісі радардан жоғалып кеткен.
Түркия мен Хорватия құтқару және іздестіру жұмыстарын бірлесіп жүргізіп жатыр.
Айта кетейік, бірнеше күн бұрын ғана Түркияның тағы бір әскери ұшағы Грузияда құлаған.