АҚШ мемлекеттік хатшысы Марко Рубио мен Ресей сыртқы істер министрі Сергей Лавров 20 қазанда телефон арқылы сөйлескен. Әңгіме күрделі жағдайда өтіп, келісімге қол жеткізілмеген.
The Telegraph мәліметінше, Лавров Ресейдің қазіргі майдан шебін бекітіп, қақтығысты тоқтату туралы ұсынысқа қарсы екенін жеткізген болуы мүмкін. Осыдан кейін Рубио мен Лавровтың жеке кездесуі тоқтатылып, Трамп пен Путин саммитін ұйымдастыру да тоқтап қалды.
Бұған дейін Reuters кездесуді 23 қазанда өткізуі мүмкін екенін жазған еді, алайда CNN кейін бұл жоспардың кейінге қалғанын хабарлады.
Кремль өкілдері «келісім болмаған нәрсені кейінге қалдыру мүмкін емес» деп түсіндірсе, Трамп әкімшілігі телефон әңгімесін «нәтижелі» деп атап, қосымша кездесу қажет еместігін мәлімдеді.
Айта кетейік, 16 қазанда Дональд Трамп Truth Social парақшасында Владимир Путинмен Будапештте кездесетінін айтып, соғыстан кейінгі сауда мәселелерін талқылауды жоспарлағанын хабарлаған болатын.