АҚШ әкімшілігі Израиль мен палестиналық ХАМАС қозғалысы арасындағы атысты тоқтату туралы келісімнің жалғасып жатқанын хабарлады. Дональд Трамп бұл туралы Air Force One ұшағында журналистерге берген сұхбатында айтты.
10 қазанда екі тарап атысты тоқтату жөнінде келісімге келген болатын. Алайда 19 қазанда Израиль армиясы Газаның солтүстігіндегі Джабалия ауданына әуеден соққы жасап, мұны ХАМАС тарапынан келісімді бұзу әрекетімен түсіндірді.
Кейінірек Израиль бірнеше әуе соққысынан кейін атысты тоқтату режимін қайта жалғастырғаны хабарланды. Деректерге сүйенсек, соңғы тәулікте Газадағы қақтығыстар салдарынан 40-тан астам палестиналық көз жұмған.
