Ұлытау – үшінші жыл қатарынан көш басында
Жастар табысы жөніндегі рейтингте Ұлытау облысы биыл да алдыңғы орынды сақтап қалды. Мұнда орташа айлық — 421 мың теңге, бұл ел бойынша орташа көрсеткіштен 1,5 есе жоғары.
Алматы мен Астана да үздіктер қатарында
Ұлытаудан кейінгі тізімде:
Алматы – 322 мың теңге,
Астана – 318 мың теңге,
Павлодар облысы – 290 мың теңге,
Атырау облысы – 288 мың теңге.
Бұл өңірлерде жоғары жалақының басты себебі — экономикалық белсенділік пен өндіріс, қызмет көрсету салаларының қарқынды дамуы.
Жалақы төмен аймақтар
Ең төмен жалақы тіркелген өңірлер қатарында Шымкент (222 мың), Жамбыл (221 мың), Жетісу (219 мың) және Түркістан облысы (215 мың теңге) бар.
Бұл — республика бойынша орташа деңгейден шамамен 20–25 пайызға аз. Мұндай айырмашылық аймақтардағы жұмыс орындарының сипаты мен жастардың біліктілік деңгейімен түсіндіріледі.
Өңірлер арасындағы теңсіздік сақталып отыр
Жастардың орташа табысы ел бойынша 280 мың теңге болғанымен, ең жоғары және ең төмен жалақының арасы екі еседен асады.
Экономикасы дамыған орталықтарда (Алматы, Астана, өнеркәсіптік аймақтар) жастар жақсы табыс табады. Ал ауыл шаруашылығына бейім өңірлерде олардың еңбекақысы әлі де төмен деңгейде қалып отыр.