Куәгерлердің айтуынша, жергілікті фермер жайылымдағы жылқыларды көлікпен қуып, қарудан атқан. Оқиғадан кейін ол ізін суытқан.
Малынан айырылған ауыл тұрғындары істің әділ тергелмей қалуынан қауіптеніп отыр, себебі күдікті — өңірдегі ауқатты жер иеленушілердің бірі.
Полиция «өзгенің мүлкін әдейі жою» бабы бойынша қылмыстық іс қозғады. Бұл іске қатысы бар деген күдікпен Нұра ауданының 53 жастағы тұрғыны ұсталды. Қазір тергеу амалдары жүргізілуде.
«Өзгенің мүлкіне және қоғамдық тәртіпке қарсы кез келген заңсыз әрекеттер заң аясында қатаң түрде тоқтатылады», – деп мәлімдеді облыстық Полиция департаменті.