Президенттің айтуынша, әсіресе балалар мен әйелдерге қарсы жасалған қылмыстар жазасыз қалмауы тиіс.
Бұл шешімге 17 жастағы Айсулуу Мукачеваның зорланып, аяусыз өлтірілуі түрткі болған. Қылмысқа Бішкек қаласының 41 жастағы тұрғыны күдікті деп танылды. Тергеу барысында ол қызды ұрлап, қорлап, өлтіргенін мойындаған. Алдымен денесін Ыстықкөл маңына көміп, кейін қайта қазып алып, Боом шатқалына тастаған. Марқұмның туыстары күдіктінің бұрын да жыныстық қылмыс жасағаны үшін жауапқа тартылғанын, бірақ жазадан сытылып кеткенін айтады.
Айта кетейік, Қырғызстанда өлім жазасы бұған дейін болған. Алайда 2007 жылы бұл жаза алынып тасталып, орнына өмір бойына бас бостандығынан айыру жазасы енгізілген еді.